Islam - fagressurser

Oddbjørn Leirvik, Forskar / prosjektleiar for Interreligiøse Studiar, Teologisk fakultet, UiO, 2005

Fagartiklar

Her finn du nokre fagartiklar om islam av Oddbjørn Leirvik. Nokre av dei er undervisningsrelaterte, som artikkelen Islamske tekstar: Koranen som heilagtekst og skulebok.

Islam i Norge

På nettsida Islam i Norge (redigert av Oddbjørn Leirvik) finn du oversikt over muslimske organisasjonar i Norge, oversikt over aktuell litteratur til temaet muslimar i Norge, samt lenker til aktuelle avisoppslag og muslimske heimesider i Norge.

Islam.no er den mest omfattande av dei muslimske nettstadene i Norge.

Koranen og Hadith

Under islam.no finn du også ei søkbar utgåve av Koranen på norsk.

På nettet kan du finne ei samanliknande utgåve av tre ulike engelske koranomsettingar. På nettstaden til MSA-USC finn du også ei søkbar utgåve av fire ulike hadithsamlingar i engelsk omsettting.

Ein verdfull nettressurs når det gjeld heilage tekstar er Internet Sacred Text Archive. Under Texts of Islam finn du koranutgåver (mellom anna ei parallelutgåve av Yusuf Ali's koranomsetting med engelsk, arabisk og arabisk tranliterasjon side om side), hadithutgåver, sufitekstar m.m.

Sufisme

Når det gjeld sufismen, gir følgjande nettside oversikt over ulike sufirørsler: Sufism's Many Paths. Det finst mange nettsider med tekstar av ulike sufidiktarar, som Rumi.

Fagartikkel på norsk: Sufismen - i islamsk og dialogisk perspektiv (ved Oddbjørn Leirvik).

Diverse islamressurar

Den danske nettsida Islamisk Studiebogsamling er driven av dialogorienterte muslimar og har svært mange aktuelle og nyttige ressursar.

Ei internasjonal nettside er Islamonline.net som blir redigert i Kairo og har ein moderat islamistisk profil. Her finn ein mellom anna fatwaer av Yusuf al-Qaradawi, leiaren for European Fatwa Council.

Ein annan autoritet som mange muslimar i Vesten lyttar til er Tariq Ramadan, forfattaren av boka "To be a European Muslim". Ramadan går lengre enn Islamonline.net i liberale nytolkingar av den islamske lova.

Er du på leiting etter markert liberale nettstader, kan du prøve dei USA-baserte sidene til Progressive Muslims eller MuslimWakeUp.